Wäljkiimen aw e hüüsesid foon e SSW

Liiwe leser,

Di Söödslaswiksche Wäälerferbånd (SSW) as önjt iir 1948 foon jü dånsche manerhäid än da nasjoonååle frasche önjt lönj Slaswik-Holstiinj grünläid wörden.

Da frasche booge fort mååst bai jü nordlik weestküst (Kris Nordfraschlönj) mans jü dånsche manerhäid our e hiile loonsdiilj Söödslaswik ferdiiljd as.

As manerhäidepartai laid et di SSW boowen aw, dåt da dånsche än frasche ma e mörhäidsseelschap önj ål berike likstalt wårde. Di SSW as urs uk en regjonåålpartai önj Slaswik-Holstiinj. Wan we derfor söörie wan, dåt da, wat ja tu da manerhäide räägne, önj e hiimstoun gou årbe fine, dan schan we uk en gou årbesmårketspolitiik fääre. Än wan we wan, dååt da manschne foon tuhüs tu e årbe än wider tobeeg kame, dan schan we en gou infrastruktuurpolitik fääre. Sü san åål poliitische teeme eewensch manerhäideteeme. Aw e ouder sid heed e mörhäidsseelschap uk gåågen foon jü gou SSW-politiik. Deeram as et gåns natörlik, dåt e SSW uk kiiset wård foon manschne, wat ja ai tu da manerhäide räägne.

Aw daheere side koost dü de informiire or üüs politiik än da maning friwalie, wat ja däikerdäis önj e gemiinde unti e kris derfor inseete, dåt we åltumååle en gou laawen uner goue betängelse fääre koone. Felicht feest dü sügoor seelew lust dilj foon jü SSW-familii tü wården. Wan dåt sü as, dan wus ik fernait de as en nai lasmoot wäljkiimen tu hiitjen.

Ma en wanlik gröötnis, 

Christian Dirschauer
SSWs loonsformoon