Önj Kil as di SSW tradisjoonäl am starksten aw e nordie foon e nord-ååstsii-kanool  - önj Schilksee, Friedrichsor/Pries än Holtenau. Önj Friedrichsort sat di SSW sunt e komunåålwool 2018 ma stimrucht önj e stääsbairädj

Sunt 2008 as di SSW uk önj e rädjsfersoomling önj Kil fertrin. Tü önjfång jäif et bloots iinj mandoot än diling jeeft et en aktiiw rädsfraksjoon ma tou kiisete rädjslasmoote än hu bürgerlike lasmoote.

Tuhuupe - gåns skandinoowisk - for üüs tukamst - for Kil

Jü politiik foon e SSW önj Kil as prääged dör sosjååle wjarde ouers ai dör iideologii. Jü as ai oufhängi foon da politiische blooke än orientiirt ham gåns eefter dåt, weerfoon da bürgere gousen heewe. SSW-politiik håt, dåt såchlike önjtschiisinge, for da inträse foon da manschne, boowe aw san.

Swåårpunkte san rööme tut boogen, wat hum ham låste koon; ouergung tu en öfentliken näibaiferkiir, wat for da pasaschiire amensunst as, önjfångs ma en 1-euro-ticket, kita-plåtse for amensunst, stipe for dånsche institusjoone önj e loonshoodstää än jü fermadling foon skandinoowiske wjarde tu gousen foon Kil.